Նեյմարի դուբլը հաղթանակ պարգեւեց «Բարսելոնային»
00:50 15 դեկտեմբերի, 2013Ֆուտբոլի Իսպանիայի առաջնության 16-րդ տուրում «Բարսելոնան» Կատալոնայում 2:1 հաշվով առավելության հասավ այս տարի Պրիմերա վերադարձած «Վիլյառեալի» նկատմամբ:
Խաղի սկզբնամասում կատալոնացիները չէին կարողանում իրական գոլային պահեր ստեղծել հյուրերի դարպասի մոտ, սակայն 30-րդ րոպեին «Վիլյառեալի» դարպասին նշանակվեց 11 մետրանոց հարված, որն անվրեպ իրացրեց բրազիլացի Նեյմարը:
Առաջին խաղակեսում դարպասի նոր գրավումներ չարձանագրվեցին, իսկ ընդմիջումից 3 րոպե անց արգենտինացի պաշտպան Մատեո Մուսակիոն անկյունային հարվածի խաղարկման արդյունքում խփեց «Վիլյառեալի» պատասխան գնդակը: 68-րդ րոպեին Նեյմարը դարձավ դուբլի հեղինակ՝ հաղթանակ պարգեւելով դաշտի տերերին:
Այս հաղթանակից հետո «Բարսելոնան» 3 միավոր առաջ անցավ երկրորդ տեղում գտնվող Մադրիդի «Աթլետիկոյից», որը մեկ խաղ պակաս է անցկացրել: Լավագույն եռյակը եզրափակող Մադրիդի «Ռեալը» կատալոնացիներին զիջում է 5 միավոր:
Իսպանիայի առաջնություն, 16-րդ տուր
«Բարսելոնա» - «Վիլյառեալ»՝ 2:1
Նեյմար, 30 (11մ.), 68 – Մատեո Մուսակիո, 48
«Ռայո Վալեկանո» - «Գրանադա»՝ 0:2
Ֆրան Ռիկո, 35, Իվան Ռիկի, 89
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.