Պեկին. Լեւոն Արոնյանը՝ միանձնյա առաջատար
11:08 14 դեկտեմբերի, 2013Չինաստանի մայրաքաղաք Պեկինում ընթացող Համաշխարհային մտավոր խաղերի ծրագրով շախմատի մրցումների կայծակնային խաղի (բլից) առաջին պարտիայում Լեւոն Արոնյանը սեւերով ոչ ոքի է խաղացել ուկրաինացի Ռուսլան Պոնոմորյովի հետ։ Երկրորդ տուրում նա հաղթել է չինացի Վան Յուին, իսկ երրորդ պարտիայում պարտության մատնել չինացի Վան Հաոյին։
Չորրորդ տուրում շախմատի համաշխարհային Օլիմպիադայի եռակի չեմպիոն Հայաստանի հավաքականի առաջատարը սպիտակներով հաղթեց ուկրաինացի Վասիլի Իվանչուկին։ Պարտիան ավարտվեց 37-րդ քայլում։ Չորրորդ տուրից հետո Արոնյանը միանձնյա գլխավորում է մրցաշարային աղյուսակը։
5-րդ տուրում հայ գրոսմայստերի մրցակիցը կլինի հունգարաի Պետեր Լեկոն։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.