Յուրա Մովսիսյանը՝ Ռուսաստանի ընթացիկ առաջնության լավագույն ֆուտբոլիստ (ֆոտո)
12:37 10 դեկտեմբերի, 2013Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանը Sport Express-ի վարկածով ճանաչվել է ֆուտբոլի Ռուսաստանի առաջնության լավագույն խաղացող։
Խորհրդանշական հավաքականը կազմվել է ֆուտբոլիստների միջին գնահատականի հիման վրա։ 26-ամյա հարձակվողի գնահատականը 6.28 է։
«Հայաստանի հավաքականի ֆուտբոլիստը դարձել է աշնան «ամենաթեժ» հարձակվողը։ Հավաքականի կազմում նա դարձել է երկու, իսկ «Սպարտակում»՝ 10 գոլի հեղինակ։ Յուրային վիրահատություն էր հարկավոր, սակայն դա նրան չխանգարեց ցավազրկող ներարկումներով հեթ-տրիկի հեղինակ դառնալ «Զենիթի» հետ խաղում։ Մովսիսյանը ոչ միայն աչքի էր ընկնում գոլերով, այլեւ օգնում էր թիմակիցներին պաշտպանությունում»,- գրում է կայքը։
Հիշեցնենք, որ Մովսիսյանը ծնկահոդի վիրահատությունից հետո վերականգնողական կուրս է անցնում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.