Ես իսկապես լսել եմ, որ Մոսկվայի «Սպարտակը» պատրաստվում է հավաք անցկացնել Հայաստանում, ասել է Հայաստանի ֆուտբոլի ֆեդերացիայի գործադիր տնօրեն Արմեն Մինասյանը՝ մեկնաբանելով մամուլում շրջանառվող եւ Վալերի Կարպինի կողմից հաստատված լուրերը, որ ռուսական թիմը քննարկում է Հայաստանում մարզումային հավաք անցկացնելու հնարավորությունը: Այդ հարցով Երեւանում բանակցություններ են վարել Մոսկվայի «Սպարտակի» ղեկավարները:
«Անկեղծ ասած, ես տեղյակ չեմ մանրամասներին: Չգիտեմ՝ կպայմանավորվե՞ն կողմերը Երեւանի մարզաբազայում հավաք անցկացնելու պայմանների մասին»,- ասել է Արմեն Մինասյանը Championat.com-ի թղթակցին:
Հիշեցնենք, «Սպարտակի» գլխավոր մարզիչ Վալերի Կարպինը չի բացառել ձմեռային հավաքներից մեկը Հայաստանում անցկացնելու հնարավորությունը: Մոսկովյան թիմը դիտարկում է նաեւ Իսպանիայի եւ Պորտուգալիայի տարբերակները:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։