Դորտմունդի «Բորուսիան» ու «Բավարիան» միավորներ չկորցրին
20:22 30 նոյեմբերի, 2013Գերմանական Բունդեսլիգայի 14-րդ տուրում հանդիպել էին գերմանացի մասնագետ Յուրգեն Կլոպի նախկին եւ այժմյա թիմերը՝ «Մայնցը» եւ Դորտմունդի «Բորուսիան»: Մայնցում կայացած խաղում դորտմունդցիները հաղթեցին 3:1 հաշվով:
Հայաստանի հավաքականի կիսապաշտպան Հենրիխ Մխիթարյանը խաղը սկսել էր «Բորուսիայի» փոխարինողների նստարանից: Առաջին խաղակեսում գոլեր չգրանցվեցին, իսկ 50-րդ րոպեին Մխիթարյանը դուրս եկավ փոխարինման: 20 րոպե անց գաբոնցի հարձակվող Պյեր-Էմերիկ Օբամեյանգը տուգանայինից առաջ մղեց «Բորուսիային», սակայն դորտմունդցիների ուրախությունը երկար չտեւեց: 4 րոպե անց կամերունցի հարձակվող Էրիկ Շուպո-Մոտինգը 11 մետրանոց հարվածով խփեց «Մայնցի» պատասխան գնդակը: Անցավ եւս 4 րոպե եւ 11 մետրանոց հարված նշանակվեց արդեն դաշտի տերերի դարպասին: Լեհ ռմբարկու Ռոբերտ Լեւանդովսկին չվրիպեց, իսկ ավելացված ժամանակում իրացրեց եւս մեկ 11 մետրանոց՝ հաղթանակ պարգեւելով դորտմունդցիներին:
Մյունխենի «Բավարիան» սեփական խաղադաշտում Արյեն Ռոբենի դուբլի շնորհիվ 2:0 հաշվով հաղթեց Բրաունշվեյգի «Այնտրախտին», իսկ Լեւերկուզենի «Բայերը» շանս չտվեց «Նյուրնբերգին»՝ 3:0:
«Բավարիայի» Բունդեսլիգայում իր անպարտելիության շարքը հասցրեց 39 խաղի՝ թարմացնելով սեփական ռեկորդը:
13-րդ տուրից հետո առաջատար «Բավարիան» ունի 38 միավոր, «Բայերը»՝ 34, իսկ Դորտմունդի «Բորուսիան» 31 միավորով երրորդ տեղում է:
Գերմանիայի առաջնություն, 14-րդ տուր
«Մայնց» - «Բորուսիա»՝ 1:3
Էրիկ Շուպո-Մոտինգ, 74 (11մ.) – Պյեր-Էմերիկ Օբամեյանգ, 70, Ռոբերտ Լեւանդովսկի, 78 (11մ.), 90+4 (11մ.)
«Բայեր» - «Նյուրնբերգ»՝ 3:0
Սոն Հին Մին, 36, 77, Շտեֆան Կիսլինգ, 47
«Հոֆֆենհայմ» - «Վերդեր»՝ 4:4
Սեյադ Սալիհովիչ, 12 (11մ.), 18 (11մ.), Կեւին Ֆոլանդ, 49, Կայ Հերդլինգ, 53 – Աարոն Հանտ, 45 (11մ.), Էլջերիո Էլիա, 45+2, Նիլս Պետերսեն, 58, Ֆիլիպ Բարգֆրեդե, 90+1
«Հերտա» - «Աուգսբուրգ»՝ 0:0
«Բավարիա» - «Այնտրախտ»՝ 2:0
Արյեն Ռոբեն, 2, 30
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.