ԱԱ-2014-ի հանդիպումների մեկնարկային ժամերը վիճահարույց են

Ֆուտբոլի միջազգային ֆեդերացիայի ղեկավարությունը չի բացառել 2014թ. աշխարհի առաջնության եզրափակիչ մրցաշարի հանդիպումների մեկնարկային ժամերի փոփոխություն, թեեւ չէր ցանկանա դա անել, հաղորդում է espndeportes.espn.go.com-ը: Ֆուտբոլիստների արհմիությունը անհանգստություն է հայտնել, որ որոշ հանդիպումներ մեկնարկելու են տեղի ժամանակով 13:00-ին, իսկ Ֆորտալեզայում, Նատալում, Ռեսիֆիում եւ Սալվադորում այդ ժամին օդի ջերմաստիճանը հասնում է 32-ի, թեեւ Հարավային կիսագնդի ձմռանը:

«Ժամանակացույցն ընդունվել է, սակայան դեռ վերջնական չի հաստատվել: Բրազիլիան մեծ երկիր է: Հյուսիսային եւ հարավային քաղաքների կլիմայական տարբերությունները մեծ են: Սակայն կարծում եմ՝ հավաքականները սովոր են այդպիսի փոփոխական պայմանների»,- ասել է ՖԻՖԱ-ի գործկոմի անդամ Մայքլ Դ՝Հուգը:

Աշխարհի առաջնության հանդիպումների մեկնարկային ժամեր կլինեն 13:00-ն, 16:00-ն, 17:00-ն եւ 19:00-ն: Ռիո դե Ժանեյրոն Երեւանից հետ է 6 ժամ: