Ձյուդոյի Եվրոպայի առաջնություն. Հայ մարզիկները երկու հաղթանակ տարան
13:37 26 ապրիլի, 2012Ռուսաստանի Չելյաբինսկ քաղաքում մեկնարկած ձյուդոյի Եվրոպայի առաջնությունում պայքարի մեջ մտան հայ մարզիկները։
Կանանց մրցաշարում Հայաստանի ներկայացուցիչ 57 կգ քաշային Ժաննա Ստանկեւիչը պարտվեց իսպանացի Կոնսեպսյոն Բելորինին եւ դուրս մնաց հետագա պայքարից։
48 կգ քաշային Գայանե Հարությունյանը դեռեւս պայքարի մեջ չի մտել, սակայն արդեն հայտնի է նրա մրցակցի անունը։ 1/8 եզրափակիչում Գայանեի մրցակիցը կլինի ֆրանսիացի Լետիցիա Պաեին, որը հաղթել է թուրք Դիլար Լոկմանխեկիմին։
Տղամարդկանց մրցաշարում 1/8 եզրափակիչի ուղեգիր ձեռք բերեց Հովհաննես Դավթյանը, որը պայքարից դուրս թողեց Ֆինլանդիայի ներկայացուցիչ Յուհո Ռեյնվալին։ 1/8 եզրափակիչում Հովհաննես Դավթյանի մրցակիցը կլինի թուրք Իսկանդեր Օզքանօղլուն։
66 կգ քաշային Արմեն Նազարյանն առաջին գոտեմարտում պարտվեց վրացի Լաշա Շավդատուշվիլին եւ դուրս մնաց հետագա պայքարից։
Արմեն Բաղդասարյանն (81 կգ) ու Հակոբ Առաքելյանը (100 կգ) պայքարի մեջ կմտնեն համապատասխանաբար ապրիլի 27-ին եւ 28-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.