Հայտնի են Հայաստանի ներկայացուցիչների մրցակիցները
11:54 26 ապրիլի, 2012Ապրիլի 26-ին Չելյաբինսկում մեկնարկում է ձյուդոյի Եվրոպայի առաջնությունը: Կայացել է վիճակահանությունը: Հայտնի են Հայաստանի պատվիրակների մրցակիցները:
60 կգ քաշային Հովհաննես Դավթյանի մրցակիցը 1/16 եզրափակիչում Ֆինլանդիայի ներկայացուցիչ Յուհո Ռենվալն է:
66 կգ քաշային Արմեն Նազարյանը 1/16 եզրափակիչում կմրցի վրաց Լաշա Շավդատուաշվիլիի հետ:
81 կգ քաշային կարգում Արտյոմ Բաղդասարյանի մրցակիցը 1/16 եզրափակիչում կլինի ուկրաինացի Արտյոմ Վասիլենկոն:
100 կգ քաշային Հակոբ Առաքելյանը եւս պայքարը կսկսի 1/16 եզրափակիչից: Մրցակիցը լատվիացի Եվգենիս Բորոդավկոն է:
Կանանց առաջնությունում 48 կգ քաշային Գայանե Հարությունյանը 1/8 եզրափակիչում սպասում է Լետիցիա Պայե (Ֆրանսիա) – Դիլարա Լոկմանհեքիմ (Թուրքիա) զույգի հաղթողին:
57 կգ քաշային կարգում Ժաննա Ստանկեւիչը 1/16 եզրափակիչում առաջնությունը կսկսի իսպանացի Կոնսեպսիոն Բելորինի հետ գոտեմարտով:
Ապրիլի 26-ին հայտնի կդառնան տղամարդկանց 60 կգ, 66 կգ եւ կանանց 48 կգ, 52 կգ եւ 57 կգ քաշային կարգերի չեմպիոնները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.