Յուրա Մովսիսյանը մեկնել է ԱՄՆ

14:39   25 նոյեմբերի, 2013

Մոսկվայի «Սպարտակի» եւ ֆուտբոլի Հայաստանի հավաքականի հարձակվող Յուրա Մովսիսյանը մեկնել է ԱՄՆ՝ Լոս-Անջելեսի հիվանդանոցում ծնկի վիրահատության ենթարկվելու համար, հաղորդում է ռուսական ակումբի պաշտոնական կայքը։

«Սպարտակի» բժշկական շտաբի ղեկավար Միխայիլ Վարդապետովի խոսքով՝ նոյեմբերի 26-ին Մովսիսյանը կանցնի բուժզննում, ինչից հետո պարզ կլինի վիրահատության օրը: 26-ամյա հարձակվողի նախնական ախտորոշումն է` արտաքին մենիսկի վնասվածք:

Հիշեցնենք, որ 26-ամյա հարձակվողը խորացրել էր ծնկահոդի վնասվածքը Ռուսաստանի առաջնության 16-րդ տուրի՝ «Զենիթի» դեմ խաղում: ԲԿՄԱ-ի հետ հանդիպմանը Յուրան մասնակցել է ցավազրկող ներարկումներով։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։