The Sun. Արսեն Վենգերին 50 միլիոն ֆունտ կտրամադրվի
11:54 21 փետրվարի, 2012Լոնդոնի «Արսենալի» գլխավոր մարզիչ Արսեն Վենգերին 50 միլիոն ֆունտ ստերլինգ կտրամադրվի նոր տրանսֆերներ իրականացնելու համար, գրում է The Sun-ը:
Նման հաշվարկ են կատարել լոնդոնյան ակումբի երկրպագուները, ովքեր ցանկանում են հասկանալ, թե ինչու թիմի ձեռք չի բերում բարձրակարգ ֆուտբոլիստների:
«Արսենալի» երկրպագուների խորհուրդը (The Arsenal Supporters' Trust, AST) դժգոհ է թիմի ղեկավարության վարած քաղաքականությունից, քանի որ լոնդոնցիներն արդեն 7 մրցաշրջան է չեն կարողանում որեւէ տիտղոս նվաճել:
AST-ի խորհուրդը կարծում է, որ թիմի ղեկավարությունը չի ցանկանում նոր տրանսֆերների համար մեծ գումարներ տրամադրել Արսեն Վենգերին, քանի որ մտավախություն կա, որ հաջորդ մրցաշրջանում «Արսենալը» դուրս կմնա Չեմպիոնների լիգայի մասնակիցների ցուցակից:
Երկրպագուները նաեւ ցանկանում են իմանալ, թե ինչու է իրենց թիմի գլխավոր մրցակից Լոնդոնի «Տոտենհեմը» 10 միավորով գերազանցում «Արսենալին», այն դեպքում, երբ «Տոտենհեմի» ֆինանսական հնարավորությունները 40 տոկոսով պակաս են «Արսենալինից»:
Երկրպագուների խորհուրդը պնդում է, որպեսզի Սամիր Նասրիի եւ Սեսկ Ֆաբրեգասի տրանսֆերներից ստացված 50 միլիոն ֆունտ ստերլինգը տրամադրվի նոր ֆուտբոլիստներ ձեռք բերելուն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.