Սնեյդերի դուբլը, «Ինտերի» հաղթանակը

19:03   25 ապրիլի, 2012

Իտալական A Սերիայի 33-րդ տուրում «Ինտերը» հյուրընկալվելիս 3:1 հաշվով կամային հաղթանակ տարավ «Ուդինեզեի» նկատմամբ։

Խաղի 6-րդ րոպեին բրազիլացի պաշտպան Դանիլոն առաջ մղեց «Ուդինեզեին», սակայն դեռեւս առաջին խաղակեսում հյուրերը երեք գնդակ ուղարկեցին Սամիր Հանդանովիչի պաշտպանած դարպասը։ Դուբլի հեղինակ դարձավ Հոլանդիայի հավաքականի խաղացող Ուեսլի Սնեյդերը, մեկ անգամ էլ աչքի ընկավ ագենտինացի կիսապաշտպան Ռիկարդո Ալվարեսը։ Երկրորդ խաղակեսում գոլեր չգրանցվեցին եւ «Ինտերը» կարեւոր հաղթանակ տարավ 3։1 հաշվով։

Չեմպիոնների լիգայի ուղեգրի համար պայքարող «Նապոլին» մրցակցի խաղադաշտում երկու անպատասխան գնդակ ուղարկեց հետնապահների թվում գտնվող «Լեչեի» դարպասը։ Նեապոլցիներից աչքի ընկան սլովակ կիսապաշտպան Մարեկ Համշիկն ու ուրուգվայցի ռմբարկու Էդիսոն Կավանին։

Այս հաղթանակից հետո «Նապոլին» վաստակեց 54 միավոր եւ, շրջանցելով «Ուդինեզեին», բարձրացավ չորրորդ տեղ։ «Ուդինեզեն» ու «Ինտերը» 52-ական միավորով բաժանում են 5-6-րդ տեղերը։

Իտալիայի առաջնություն. 33-րդ տուր

«Ուդինեզե» - «Ինտեր»՝ 1։3

Դանիլո, 6 – Սնեյդեր, 10, 28, Ալվարես, 37

«Սիենա» - «Բոլոնիա»՝ 1։1

Դեստրո, 52 – Դիամանտի, 69

«Լեչե» - «Նապոլի»՝ 0։2

Համշիկ, 5, Կավանի, 51

«Պալերմո» - «Պարմա»՝ 1։2

Հերնանդես, 6 – Օկակա Չուկա, 54, Բիաբիանի, 70

«Ռոմա» - «Ֆիորենտինա»՝ 1։2

Տոտի, 71 – Յովետիչ, 2, Լացարի, 90+1

Հեռացում՝ Օսվալդո, 90+3 («Ռոմա»)



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։