ՀԱՕԿ-ի անդամները կհյուրընկալվեն Հռոմի պապին
16:10 20 նոյեմբերի, 2013Հռոմում նոյեմբերի 21-23-ը տեղի կունենա Եվրոպայի օլիմպիական կոմիտեի գագաթաժողովը, որին կմասնակցեն նաեւ ՀԱՕԿ-ի անդամները:
Հայաստանի ազգային օլիմպիական կոմիտեի նախագահ Գագիկ Ծառուկյանի գլխավորած պատվիրակության կազմում Իտալիա կմեկնեն կազմակերպության գլխավոր քարտուղար Հրաչյա Ռոստոմյանը, նախագահի խորհրդական Ռուբեն Հակոբյանը եւ վարչության պետ Գաբրիել Ղազարյանը:
Համաժողովի օրակարգում ընդգրկված կարեւոր հարցերից է ԵՎՕԿ-ի նախագահի ընտրությունը: Միակ թեկնածու է առաջադրվել իռլանդացի Պատրիկ Հիկեն:
Նախնական պայմանավորվածության համաձայն՝ ՀԱՕԿ-ի պատվիրակությունը համագործակցության պայմանագրեր կկնքի 8 երկրների (Կիպրոս, Սերբիա, Լեհաստան, Սլովակիա, Լատվիա, Լիտվա, Էստոնիա, Իսրայել) Ազգային օլիմպիական կոմիտեների հետ: Բացի այդ, Գագիկ Ծառուկյանն աշխատանքային հանդիպումներ կունենա ՄՕԿ-ի նախագահ Թոմաս Բախի, ԵՎՕԿ-ի նախագահ Պատրիկ Հիկեի եւ Ազգային օլիմպիական կոմիտեների ասոցիացիայի նախագահ Ահմադ Ալ-Ֆահադ Ալ-Սաբահի հետ:
Միջոցառման վերջին օրը համաժողովի մասնակիցներին կհյուրընկալի Հռոմի պապ Ֆրանցիսկոսը, փոխանցում են ՀԱՕԿ-ի մամուլի ծառայությունից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։