France Football. «Արսենալը» չի կարող արժանի փոխարինող գտնել Արսեն Վենգերին

Աշխարհի չեմպիոն, ֆուտբոլի  Ֆրանսիայի հավաքականի եւ Լոնդոնի «Արսենալի» նախկին խաղացող Էմանուել Պետին France Football-ին տված հարցազրույցում հայտարարել է, որ չնայաց Չեմպիոնների լիգայում «Արսենալի» սարսափելի ելույթներին, ակումբի ղեկավարությունը չի կարող թիմի գլխավոր մարզիչ Արսեն Վենգերին հեռացնել զբաղեցրած պաշտոնից:

«Եթե լոնդոնյան ակումբի ղեկավարությունը հեռացնի Արսեն Վենգերին, ապա դա «Արսենալի» ամենակոպիտ սխալը կլինի պատմության մեջ: Թիմը երբեք չի կարող արժանի փոխարինող գտնել Վենգերին: Ակումբի ղեկավարությունը պետք է փոխի տրանսֆերային քաղաքականությունը:

«Արսենալի» գլխավոր խնդիրն այն է, որ թիմում չկան իսկական առաջատարներ, որոնք կարողանան իրենց հետեւից տանել երիտասարդ ու տաղանդավոր խաղացողներին»,- Պետիի խոսքը մեջբերում է France Football-ը: