Ուկրաինա - Հայաստան՝ 2.5:1.5. Սերգեյ Մովսեսյանը չփրկեց պարտությունից
01:26 12 նոյեմբերի, 2013Լեհաստանի մայրաքաղաք Վարշավայում ընթացող շախմատի Եվրոպայի թիմային առաջնության 4-րդ տուրում Հայաստանի հավաքականները պարտություն կրեցին:
Տղամարդկանց թիմը 1.5:2.5 հաշվով մրցամարտը տանուլ տվեց ուկրաինացիներին: Վերջինը պայքարն ավարտեց երկրորդ համար Սերգեյ Մովսեսյանը, որը սպիտակներով 74-րդ քայլում միավորը կիսեց Անդրեյ Վոլոկիտինի հետ:
Չորրորդ համարների պայքարում Տիգրան Պետրոսյանը սպիտակ ֆիգուրներով, 50-րդ քայլում պարտվեց Սերգեյ Ֆեդորչուկին:
Մինչեւ այդ ոչ ոքի էին ավարտվել Ալեքսանդր Արեշչենկո - Լեւոն Արոնյան եւ Ալեքսանդր Մոիսեենկո - Գաբրիել Սարգսյան պարտիաները:
Չորս տուրից հետո Հայաստանի հավաքականը 5 թիմային միավորով բաժանում է 10-17-րդ տեղերը: Լրացուցիչ ցուցանիշով Արշակ Պետրոսյանի թիմը 16-րդն է: Առաջատարը Ֆրանսիան է, որը վաստակել է 8 միավոր: 6-ական միավոր ունեն Չեխիայի, Հունաստանի, Հունգարիայի, Ուկրաինայի, Վրաստանի, Ռումինիայի, Բելառուսի եւ Ադրբեջանի հավաքականները:
Կանանց Հայաստանի հավաքականը երեք անընդմեջ հաղթանակներից հետո 4-րդ տուրում պարտվեց լեհերին՝ 1.5:2.5 հաշվով: Հաղթանակ տարավ միայն Լիլիթ Մկրտչյանը: Էլինա Դանիելյանը ոչ ոքի ավարտեց պարտիան: Իսկ Լիլիթ Գալոյանն ու Մարիա Կուրսովան պարտություն կրեցին:
Չորս տուրից հետո կանանց Հայաստանի թիմը 6 միավորով 4-րդն է: 6-ական միավոր ունեն նաեւ Ռուսաստանն ու Գերմանիան: Առաջատարներն են չորսական հաղթանակ տարած Լեհաստանի եւ Ուկրաինայի հավաքականները՝ 8-ական միավոր: Վրաստանի հավաքականն ունի 7 միավոր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.