Վիկ Դարչինյանի ռեւանշը չկայացավ. Նոնիտո Դոները հաղթեց նոկաուտով
08:48 10 նոյեմբերի, 2013Պրոֆեսիոնալ բռնցքամարտի երկու քաշային կարգերում աշխարհի նախկին չեմպիոն Վիկ Դարչինյանը չկարողացավ 6 տարի անց ռեւանշի հասնել ֆիլիպինցի Նոնիտո Դոների նկատմամբ:
Նոյեմբերի 9-ին Տեխասում կայացած կիսաթեթեւ քաշային կարգի 10 ռաունդանոց մենամարտում երեք քաշային կարգերում աշխարհի նախկին չեմպիոն Դոները հաղթեց տեխնիկական նոկաուտով: Մենամարտն ավարտվեց 9-րդ ռաունդում, երբ հայ բռնցքամարտիկը 2 անգամ հայտնվեց նոկդաունում: 30-ամյա ֆիլիպինցին շարունակեց հարվածների շարքը, ինչից հետո մրցավարը դադարեցրեց մենամարտը: Մինչեւ այդ պահը 37-ամյա Դարչինյանն առջեւում էր հաշվի մեջ (78-74), սակայն չկարողացավ զարգացնել հաջողությունը:
Հիշեցնենք, որ Վիկ Դարչինյանն ու Նոնիտո Դոները հանդիպել էին նաեւ 2007-ին, երբ աշխարհին անհայտ ֆիլիպինցին նոկաուտով սենսացիոն հաղթանակ էր տարել մինչեւ այդ պարտություն չկրած Դարչինյանի նկատմամբ:
Դարչինյանը 40-րդ մենամարտն անցկացրեց պրոֆեսիոնալ ռինգում՝ կրելով 6-րդ պարտությունը: Մինչեւ այս 2 պարտություն կրած Դոները 32-րդ հաղթանակը տարավ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.