Bleacher Report. Հենրիխ Մխիթարյանն արդարացրել է Յուրգեն Կլոպի հույսերը
10:52 6 նոյեմբերի, 2013Հենրիխ Մխիթարյանի մեկնարկը «Բորուսիայում» ստացվեց անկայուն։ Հայաստանի հավաքականի կիսապաշտպանի հիանալի հանդիպումներին հաջորդում էին միջին մակարդակի ելույթները, գրում է Bleacher Report կայքը՝ անդրադառնալով Դորտմունդի «Բորուսիայի» եւ Հայաստանի հավաքականի 24-ամյա կիսապաշտպան Հենրիխ Մխիթարյանին։
«Դոնեցկի «Շախտյորի» նախկին ֆուտբոլիստը լավ մարզավիճակ է ձեռք բերել վերջին շաբաթների ընթացքում եւ իր վստահ խաղով արդարացրել է Յուրգեն Կլոպի հույսերը։ Հենրիխը Չեմպիոնների լիգայում խաղալու փորձ ունի, իսկ «Արսենալի» հետ առաջին խաղում նա առաջ մղեց դորտմունդցիներին։ Բոլոր այս պատճառներով, Մխիթարյանը, միանշանակ, կհայտնվի «Բորուսիայի» մեկնարկային կազմում»,- գրում է կայքը։
Հիշեցնենք, որ Չեմպիոնների լիգայի խմբային փուլի «Բորուսիա» - «Արսենալ» խաղը կկայանա նոյեմբերի 6-ին՝ Երեւանի ժամանակով 23։45-ին։ Թիմերի միջեւ Լոնդոնում կայացած առաջին խաղում գերմանական ակումբը հաղթել է 2։1 հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։