Մարկոս Պիզելին հերքել է «Ակտոբե» տեղափոխության մասին լուրերը
14:18 1 նոյեմբերի, 2013Չեմ պատրաստվում ինչ-որ տեղ տեղափոխվել, ոչ մի առաջարկ չեմ ստացել, ասել է «Կրասնոդարի» եւ Հայաստանի հավաքականի կիսապաշտպան Մարկոս Պիզելին։ 29-ամյա կիսապաշտպանը հայտարարել է, որ բանակցություններ չի վարում ղազախական «Ակտոբեի» հետ եւ չի պատրաստվում հեռանալ ռուսական ակումբից։
«Կրասնոդարի» խաղացող եմ եւ գործող պայմանագիր ունեմ։ Ցանկանում եմ օգնել թիմիս հասնել լավ արդյունքների: Հուսով եմ՝ ավելի շատ խաղային ժամանակ ստանալ։ Այն, որ այդքան էլ շատ չեմ խաղում, դեռ հեռանալու պատճառ չէ։ Երջանիկ եմ «Կրասնոդարում», կարիք չունեմ որեւէ բան փոխելու։
Եթե խաղամ «Կուբանի» հետ դերբիում, ապա կփորձեմ աչքի ընկնել։ Եթե հնարավորություն լինի, մեծ հաճույքով կօգտվեմ դրանից։ Այո, նախկինում խաղում էի «Կուբանում», սակայն դա անցյալում է»,- Պիզելիի խոսքը մեջբերում է «Р-Спорт»-ը։
Հիշեցնենք, որ Մարկոսը 2013-ին «Կուբանից» է տեղափոխվել «Կրասնոդար»։ Ռուսաստանի գավաթի խաղարկության 1/16 եզրափակիչի՝ «Դոլգոպրուդնիի» հետ խաղում նա դարձավ 2 գոլի եւ մեկ գոլային փոխանցման հեղինակ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.