Հենրիխ Մխիթարյանը՝ Բունդեսլիգայի 10-րդ տուրի լավագույն ֆուտբոլիստ
13:22 29 հոկտեմբերի, 2013Դորտմունդի «Բորուսիայի» կիսապաշտպան Հենրիխ Մխիթարյանը ճանաչվել է Գերմանիայի առաջնության 10-րդ տուրի լավագույն ֆուտբոլիստ, փոխանցում է Բունդեսլիգայի կայքը:
Հայաստանի հավաքականի խաղացողը Բունդեսլիգայի պաշտոնական կայքում անցկացված հարցման ժամանակ ստացել է ընթերցողների ձայների 58 տոկոսը: Լավագույն եռյակում են հայտնվել Մյունխենի «Բավարիայի» ռմբարկու Մարիո Մանջուկիչը (19 տոկոս) եւ «Մայնցի» հարձակվող Սինձի Օկաձակին (12 տոկոս)։
Հիշեցնենք, որ Bild-ի, Kicker-ի, Bundesliga.de-ի եւ Goal.com-ի վարկածով Հենրիխ Մխիթարյանն ընդգրկվել էր Բունդեսլիգայի 10-րդ տուրի խորհրդանշական հավաքականում: Գելզենկիրխենի «Շալկեի» դեմ խաղում նա խաղացել էր 90 րոպե՝ անցկացնելով լավագույն հանդիպումներից մեկը Դորտմունդի թիմի կազմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։