Հայ ձյուդոիստներն աշխարհի առաջնությունում մեդալ չնվաճեցին

22:04   25 հոկտեմբերի, 2013

Լյուբլյանայում ընթացող ձյուդոյի աշխարհի երիտասարդական առաջնությունում Հայաստանի ներկայացուցիչ Գարիկ Հարությունյանը 55 կգ քաշային կարգում մեկնարկային գոտեմարտում հաղթել է ալբանացի Ինդրիտ Կուլհային, սակայն հաջորդ գոտեմարտը տանուլ է տվել ֆրանսիացի Վինսեն Մանկեին եւ դուրս է մնացել հետագա պայքարից: Մանկեն նվաճել է ոսկե մեդալը:

60 կգ քաշային կարգում Նարեկ Կարապետյանը նույնպես մեկնարկել է հաղթանակով՝ ուժեղ լինելով կանադացի Նիկոլաս Դիբարտոլոյից, սակայն երկրորդ մրցակցի՝ ադրբեջանցի Օրուժ Վալիզադայի, արգելքը հաղթահարել չի կարողացել:

66 կգ քաշային Դավիթ Ղազարյանը պարտվել է հենց առաջին գոտեմարտում: Մրցակիցն իրանցի Բեհզադ Մոհարամին էր: Նույն քաշային կարգում Արսեն Ղազարյանը մեկնարկում հաղթել է մեքսիկացի Էդուարդո Արաուխոյին, իսկ երկրորդ գոտեմարտում պարտվել է ալժիրցի Հոուդ Զոուրդանիին:

73 կգ քաշային կարգում Արտավազդ Հովսեփյանը մեկնարկային գոտեմարտում պարտվել է ադրբեջանցի Հուսեյն Ռահիմլիին: Նույն քաշային կարգում Դավիթ Նիկողոսյանը հաղթել է էստոնացի Կրիստիան Տոնիստեին, սակայն երկրորդ գոտեմարտում պարտություն կրել իտալացի Անտոնիո Էսպոզիտոյից, որը հետագայում հռչակվել է չեմպիոն:

Մյուս քաշային կարգերում եւ կանանց առաջնությունում Հայաստանը ներկայացված չէ:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.