Օլիմպիական կրակը բռնկվել է Ձմեռ պապի ձեռքերում

Հերթական միջադեպն է տեղի ունեցել 2014թ. Սոչիի ձմեռային Օլիմպիական խաղերի փոխանցումավազքի ժամանակ, հաղորդում է desporter.com-ը։

Ռուսաստանի Վոլոգդա քաղաքում օլիմպիական ջահի կրակը հանկարծակի բռնկվել է Ձմեռ պապի ձեռքերում։ Աշխատակիցները ժամանակին վերցրել են ջահը եւ կարգավորել այն։

Հիշեցնենք, որ հոկտեմբերի 6-ին Ռուսաստանում մեկնարկած փոխանցումավազքի առաջին օրը ջահը մարել էր Շավարշ Կարապետյանի ձեռքում: 65 հազար կմ երկարությամբ փոխանցումավազքը կանցկացվի Ռուսաստանի 130 քաղաքներով եւ կտեւի 123 օր: Փոխանցումավազքին կմասնակցեն 14 հազար ջահակիրներ եւ մոտ 30 հազար կամավորներ: