Աշխարհի առաջնություն. Արամ Ամիրխանյանը քառորդ եզրափակիչում է, Նարեկ Աբգարյանը լքեց պայքարը

20:50   22 հոկտեմբերի, 2013

Հայաստանը ներկայացնող Արամ Ամիրխանյանը դուրս եկավ Ղազախստանում անցկացվող բռնցքամարտի աշխարհի առաջնության քառորդ եզրափակիչ:

69 կգ քաշայինների 1/8 եզրափակիչում Ամիրխանյանը 2:1 հաշվով առավելության հասավ մեքսիկացի Մարվին Կաբրերայի նկատմամբ:

Ավելի վաղ հայ բռնցքամարտիկը 3:0 հաշվով հաղթել էր իտալացի Ջենհին Պարինելոյին եւ իսրայելցի Արտյոմ Մասիլին:

Հոկտեմբերի 22-ին ռինգ դուրս եկավ նաեւ 52 կգ քաշային Նարեկ Աբգարյանը, ով 0:3 հաշվով պարտվեց ուզբեկ Ջուսուրբեկ Լատիպովին՝ Հայաստանի մյուս ներկայացուցիչների պես դուրս մնալով հետագա պայքարից:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։