Հենրիխ Մխիթարյան vs Միկել Արտետա
15:16 22 հոկտեմբերի, 2013«Բորուսիայի» կիսապաշտպան Հենրիխ Մխիթարյանին հսկելու ամբողջ պարտականությունը կընկնի Միկել Արտետայի վրա, գրում է Hereisthecity.com կայքը՝ անդրադառնալով Չեմպիոնների լիգայի խմբային փուլի «Արսենալ» - «Բորուսիա» հանդիպման ժամանակ անգլիական ակումբի իսպանացի կիսապաշտպան Միկել Արտետայի եւ հյուրերի հայ կիսապաշտպան Հենրիխ Մխիթարյանի դիմակայությանը։
«Հայաստանի հավաքականի ֆուտբոլիստը գերմանական ակումբ է տեղափոխվել փոխարինելու Մարիո Գյոտցեին։ Գերմանիայում նրա համար ամեն ինչ լավ է դասավորվում. կիսապաշտպանը Բունդեսլիգայում դարձել է երեք գոլի հեղինակ։
Մխիթարյանը թիմակիցների համար պահեր ստեղծելու, ինչպես նաեւ գոլեր խփելու հնարավորություններ ունի, այդ պատճառով Արտետան շատ կարգապահ պետք է լինի հարձակողական կիսապաշտպանին հսկելու ժամանակ»,- գրում է Hereisthecity.com-ը։
«Արսենալ» - «Բորուսիա» հանդիպումը տեղի կունենա հոկտեմբերի 22-ին եւ կմեկնարկի Երեւանի ժամանակով 22.45-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։