Յուրա Մովսիսյանը հաղթանակ պարգեւեց «Սպարտակին»

15:24   20 հոկտեմբերի, 2013

Ֆուտբոլի Ռուսաստանի առաջնության 13-րդ տուրում Մոսկվայի «Սպարտակը» Յուրա Մովսիսյանի խփած գոլի շնորհիվ նվազագույն հաշվով արտագնա հաղթանակ տարավ Մախաչկալայի «Անժիի» նկատմամբ:

Հայաստանի հավաքականի 26-ամյա հարձակվողն աչքի ընկավ 27-րդ րոպեին՝ Ռուսաստանի ընթացիկ առաջնությունում իր գոլերի քանակը հասցնելով 7-ի: Յուրա Մովսիսյանը «Սպարտակի» մեկնարկային կազմում խաղաց 69 րոպե՝ խաղադաշտում իր տեղը զիջելով պարագվայցի հարձակվող Լուկաս Բարիոսին: Հայաստանի հավաքականի կիսապաշտպան Արաս Օզբիլիսը «Սպարտակի» կազմում փոխարինման դուրս եկավ 90-րդ րոպեին, իսկ Կառլեն Մկրտչյանի անունը բացակայում է «Անժիի» հայտացուցակից:

Վալերի Կարպինի թիմը 27 միավորով երկրորդ տեղում է եւ 5 միավոր զիջում է առաջատար «Զենիթին»: Ռուսաստանի ընթացիկ առաջնությունում հաղթանակ չտարած «Անժին» 6 միավորով եզրափակում է մրցաշարային աղյուսակը:

Ռուսաստանի առաջնություն, 13-րդ տուր

«Անժի» - «Սպարտակ»՝ 0:1

Յուրա Մովսիսյան, 27



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.