Ourkop.com. Թե ինչու Հենրիխ Մխիթարյանը «Լիվերպուլի» փոխարեն ընտրեց «Բորուսիան»
13:21 19 հոկտեմբերի, 2013Ամառային տրանսֆերային պատուհանի ժամանակ «Լիվերպուլը» ցանկանում էր ձեռք բերել Հենրիխ Մխիթարյանի եւ Դիեգո Կոստայի նման խաղացողների, գրում է Ourkop.com կայքը՝ անդրադառնալով Դորտմունդի «Բորուսիայի» եւ Հայաստանի հավաքականի 24-ամյա կիսապաշտպան Հենրիխ Մխիթարյանի՝ անգլիական «Լիվերպուլ» չկայացած տրանսֆերին։
«Մխիթարյանը որոշեց դադարեցնել «Լիվերպուլի» հետ բանակցությունները եւ տեղափոխվել Դորտմունդի «Բորուսիա», իսկ Դիեգո Կոստան՝ մնալ «Աթլետիկոյում»։ Երկուսն էլ կարող էին դառնալ կարեւոր ձեռքբերումներ «Լիվերպուլի» համար եւ սպասելի էին ակումբի երկրպագուների կողմից:
«Շատ հուսահատվեցի, երբ ամռանը չկարողացանք պայմանագիր կնքել Հենրիխ Մխիթարյանի հետ, քանի որ կարծում եմ, որ նա լավագույնն է մեզ համար հարկավոր դիրքում, նույնիսկ ավելին: Նա շատ լավ հարմարվել է «Բորուսիայում»,- ասել է անգլիական ակումբի նախկին ֆուտբոլիստ Յան Մոլբին։
Հենրիխ Մխիթարյանը կարող էր լավ ձերքբերում լինել «Լիվերպուլի» համար, քանի որ ակումբը լավ հարձակողական կիսապաշտպանի կարիք ուներ: Հետաքրքիր կլիներ տեսնել նրան 10 համարի դիրքում խաղալիս՝ 3-5-2 սխեմայում: Սակայն, ամենայն հավանականությամբ, Չեմպիոնների լիգային մասնակցելու ցանկությունը ստիպեց նրան ընտրել «Բորուսիան» «Լիվերպուլի» փոխարեն, եւ նա շատ լավ է հանդես գալիս գերմանական ակումբում»,- գրում է անգլիական կայքը։
Հիշեցնենք, որ 2013-ի ամռանը Մխիթարյանը 27.5 միլիոն եվրոյով Դոնեցկի «Շախտյորից» տեղափոխվեց Դորտմունդի «Բորուսիա»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.