Ղազախստանում ընթացող բռնցքամարտի աշխարհի առաջնությունում հաղթական մեկնարկ ունեցավ Հայաստանի ներկայացուցիչ Նարեկ Աբգարյանը։ 52 կգ քաշային կարգում հայ բռնցքամարտիկը 3։0 հաշվով առավելության հասավ մակեդոնացի Մումին Վելիի նկատմամբ։
Հոկտեմբերի 20-ին 60 կգ քաշային Հովհաննես Բաչկովը կմենամարտի 1/16 եզրափակիչում։
Հիշեցնենք, որ 56 կգ քաշային Արամ Ավագյանը 1/32 եզրափակիչում 3։0 հաշվով պարտության է մատնել Անգլիան ներկայացնող Գամալ Յաֆային։
69 կգ քաշային Արման Ամիրխանյանը 1/32 եզրափակիչում 3։0 հաշվով առավելության է հասել իսրայելցի Արտյոմ Մասիլիի նկատմամբ։
75 կգ քաշային Արման Հովիկյանը (Հայաստան) 1/32 եզրափակիչում 1։2 հաշվով պարտվել է հարավկորեացի Ջեյմին Յոնգին։
46-49 կգ քաշային կարգում Կորյուն Սողոմոնյանը 1/32 եզրափակիչում պարտվել է կոստառիկացի Դավիդ Ռոդրիգեսին։
64 կգ քաշային Արթուր Քիրաջյանը նույնպես 1/32 եզրափակիչում պարտվել է բելառուս Եվգենի Դոհալյավեցին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։