Դեկու. Ինյեստային կարող եմ համեմատել մեկ ֆուտբոլիստի՝ Զիդանի հետ
16:53 17 հոկտեմբերի, 2013Անդրեսը ֆենոմենալ է։ Ինյեստայի մասին խոսելիս նրան կարող եմ համեմատել միայն մեկ ֆուտբոլիստի՝ Զինեդին Զիդանի հետ, հայտարարել է կատալոնական «Բարսելոնայի» եւ Պորտուգալիայի հավաքականի նախկին կիսապաշտպան Դեկուն։ Պորտուգալացին կարծում է, որ Իսպանիայի հավաքականի կիսապաշտպան Անդրես Ինյեստայի տաղանդը չի գնահատվում, քանի որ նրա կողքին է խաղում աշխարհի լավագույն ֆուտբոլիստ Լիոնել Մեսին։
«Բանն այն է, որ Լիոնել Մեսիի նման ֆուտբոլիստը խամրեցնում է Ինյեստայի արժանիքները, սակայն ֆուտբոլիստների համար Ինյեստան պարզապես հրեշ է։
Անկասկած, նա պետք է ստանա «Ոսկե գնդակը»։ Խնդիրն այն է, որ Անդրեսի մրցակիցները Կրիշտիանու Ռոնալդուն եւ Լիոնել Մեսին են»,- Դեկուի խոսքը մեջբերում է El Mundo Deportivo-ն։
Հիշեցնենք, որ Դեկուն 2004-ից 2008-ը խաղացել է կատալոնական ակումբի կազմում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.