Պրանդելին կարգելի Իտալիայի թիմի ֆուտբոլիստներին օգտվել սոցցանցերից
17:40 15 հոկտեմբերի, 2013Իտալիայի հավաքականի գլխավոր մարզիչ Չեզարե Պրանդելին հայտարարել է, որ մտադիր է արգելել թիմի ֆուտբոլիստներին օգտվել սոցիալական ցանցերից 2014թ. Բրազիլիայում կայանալիք աշխարհի առաջնության եզրափակիչ մրցաշարի ժամանակ։
Իտալիայի հավաքականի եւ «Միլանի» հարձակվող Մարիո Բալոտելին դարձյալ հայտնվել է սկանդալի մեջ։ Նա Թվիթերում գրել էր, որ դեմ է մաֆիոզ կլաններից մեկի դեմ հատուկ ծառայությունների իրականացրած գործողությանը։
«Մենք ուսումնասիրում ենք աշխարհի առաջնության ժամանակ սոցցանցերի հարցում սահմանափակումներ մտցնելու հնարավորությունը։ Կանոնները կխստացվեն»,- Պրանդելիի խոսքը մեջբերում է La Gazzetta dello Sport-ը։
Հիշեցնենք, որ Իտալիայի հավաքականը ժամանակից շուտ ապահովել է առաջին տեղն ու աշխարհի առաջնության ուղեգիրը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.