Մարկետի. Մարզիչը մեզ հիշեցրել է, որ Հայաստանի հավաքականը բարդ մրցակից է
12:15 15 հոկտեմբերի, 2013Կարծում եմ՝ հնարավորություն ունեմ մեծ դեր խաղալ այս խաղում, եւ դա է իմ նպատակը։ Այստեղ լինելը մեծ պատիվ է ինձ համար, հայտարարել է «Լացիոյի» եւ Իտալիայի հավաքականի դարպասապահ Ֆեդերիկո Մարկետին՝ խոսելով 2014թ. աշխարհի առաջնության ընտրական փուլի վերջին տուրի՝ Հայաստանի հավաքականի դեմ խաղի մասին։ Հանդիպումը կմեկնարկի Երեւանի ժամանակով 22։45-ին։
Ավելի վաղ տանտերերի գլխավոր մարզիչ Չեզարե Պրանդելին հայտարարել էր, որ հոկտեմբերի 15-ին կայանալիք խաղում իտալացիների դարպասը կպաշտպանի հենց Մարկետին։
«Ցանկանում ենք հետաքրքիր հանդիպում ցուցադրել մեր երկրպագուների համար։ Բուֆոնի նշանակությունն անգնահատելի է, եւ ես գիտեմ, թե ինչպիսին է իմ դերը։
Ինչ վերաբերում է Հայաստանի հետ հանդիպմանը, ապա դիտել եմ առաջին խաղի տեսագրությունը։ Մարզիչը մեզ հիշեցրել է, որ Հայաստանը բարդ մրցակից է։ Հարկավոր է չափազանց զգոն լինել»,- Մարկետիի խոսքը մեջբերում է calcissimo.com-ը։
Հիշեցնենք, որ 9 տուրից հետո B խումբը 21 միավորով գլխավորում է Իտալիայի հավաքականը։ 13-ական միավոր ունեն Դանիան եւ Բուլղարիան, իսկ Հայաստանը եւ Չեխիան՝ 12-ական միավոր։ Մալթան 3 միավորով եզրափակում է աղյուսակը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.