Ռաֆայել Բենիտեսը ցանկանում է վայելել Իտալիա - Հայաստան խաղը

Մտադիր եմ ներկա լինել Իտալիայի հավաքականի խաղին։ Առաջին անգամ «Սան Պաոլոյում» կլինեմ հանդիսատեսի կարգավիճակում, հայտարարել է «Նապոլիի» գլխավոր մարզիչ Ռաֆայել Բենիտեսը։ Իսպանացի մասնագետը հույս ունի մյուս երկրպագուների նման մեծ բավականություն ստանալ 2014թ. աշխարհի առաջնության ընտրական փուլի վերջին տուրի Իտալիա - Հայաստան խաղից։

«Հույս ունեմ՝ մյուս երկրպագուների նման մեծ բավականություն կստանամ։ Ցանկանում եմ վայելել խաղը եւ այն հիանալի մթնոլորտը, որը բնորոշ է «Սան Պաոլոյին»։ Մեր երկրպագուներն այս մրցաշրջանի ընթացքում արդեն ցույց են տվել, թե ինչ է նշանակում նվիրված լինել թիմին։ Նրանք չափազանց մեծ աջակցություն են ցույց տալիս խաղացողներին։ Լորենցո Ինսինյեին հաջողություն եմ մաղթում»,- Բենիտեսի խոսքը մեջբերում է Sportmole-ը։

Հիշեցնենք, որ Իտալիա - Հայաստան հանդիպումը կմեկնարկի Երեւանի ժամանակով 22։45-ին։