Վարդան Մինասյան. Մեր մոտիվացիան ավելի մեծ է լինելու, քան Իտալիայինը
19:55 14 հոկտեմբերի, 2013Հայաստանի հավաքականը դեռ չի կորցրել անցումային հանդիպումների մասնակցելու հնարավորությունը, աշխարհի առաջնության ընտրական փուլի Իտալիա - Հայաստան հանդիպման նախախաղային մամուլի ասուլիսում ասել է Հայաստանի ազգային հավաքականի գլխավոր մարզիչ Վարդան Մինասյանը, Նեապոլից հաղորդում են NEWS.am Sport-ի թղթակիցները:
«Ռոբերտ Արզումանյանի և Արաս Օզբիլիսի մասնակցությունը վաղվա խաղում հարցականի տակ է: Միայն վաղը հստակ կարող ենք ասել՝ կկարողանան նրանք խաղալ, թե ոչ: Ես չեմ որոշել վերջնական կազմը: Կասկածում ենք երկու ֆուտբոլիստի հարցում: Այս պահին ոչինչ չեմ կարող ասել: Ցանկանում եմ շնորհավորել Իտալիայի ազգային հավաքականին և հաջողություն մաղթել նրանց Բրազիլիայում
Նախորդ խաղին մենք խաղում էինք այդ կազմով, քանի որ Բուլղարիան խաղում էր մեկ հենակետային կիսապաշտպանով: Վաղվա խաղում կխաղանք մրցակցի կազմից ելնելով: Ո՞վ է ասել, որ մենք գործնականում զրկվել ենք խմբից դուրս գալու հնարավորությունից: Ամեն բան կախված է մեր վաղվա խաղից և իհարկե մեր թիմի մրցակիցներից: Վաղվա մյուս երկու խաղերը մեզնից շուտ են և ֆուտբոլիստները չեն իմանա մյուս խաղերի արդյունքի մասին: Դա ավելի շատ մեզ համար է, տակտիկական փոփոխություններ անելու համար: Նեապոլի բնակիչները շատ են սպասում վաղվա խաղին, բայց մեր հավաքականը չի վախենում վաղվա ճնշումից: Մենք դրսում շատ լավ ենք խաղում: Վաղվա խաղում մեր մոտիվացիան ավելի մեծ է լինելու, քան Իտալիայինը:
Հայաստանի հավաքականը Եվրո-2016-ի եզրափակիչ փուլում հայտնվելու մեծ ներուժ ունի: Այս մրցափուլում մեր թիմի վնասվածքները մեզ շատ խանգարեցին»,- ասել է Վարդան Մինասյանը:
Հիշեցնենք, որ 2014թ. աշխարհի առաջնության ընտրական փուլի վերջին տուրի՝ Իտալիա – Հայաստան խաղը կկայանա հոկտեմբերի 15-ին, Երեւանի ժամանակով 22:45-ին:
NEWS.am Sport-ն Իտալիա - Հայաստան հանդիպումը լուսաբանում է Նեապոլից հայաստանյան «Վիվառո» բուքմեյքերական ընկերության աջակցությամբ։
Վերա Մարտիրոսյան, Դավիթ Եղիազարյան
Ֆոտո՝ NEWS.am Sport (լուսանկարները կատարվել են Samsung NX-300-ով)
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.