Goal.com. Իտալիա - Հայաստան խաղին ընդառաջ
14:48 14 հոկտեմբերի, 2013Չեզարե Պրանդելին արդեն ապահովել է տեղը մրցաշարի եզրափակիչում, սակայն հոկտեմբերի 11-ին դանիացիների հետ տեղի ունեցած հիասթափեցնող հանդիպումից հետո իտալացիները հույս ունեն Նեապոլում վերականգնել իրենց հեղինակությունը, գրում է Goal.com կայքը՝ անդրադառնալով 2014թ. աշխարհի առաջնության ընտրական փուլի վերջին տուրի՝ Իտալիա - Հայաստան հանդիպմանը։
«Հայաստանի հավաքականը մասնակցելու է իր վերջին խաղին՝ պահպանելով փլեյ-օֆֆ դուրս գալու հույսերը, սակայն նրանք պետք է հանդիպեն B խմբի հաղթող իտալացիների հետ։ Սցենարը շատ անմխիթար է. Բուլղարիան պետք է ոչ ոքի խաղա չեխերի հետ, Դանիան՝ միավոր կորցնի Մալթայի հետ խաղում, իսկ հայերը՝ հաղթեն Նեապոլում։
Հայաստանը հաղթել է 4 խաղում՝ պարտվելով հինգում։ Սակայն Բուլղարիայի հավաքականի նկատմամբ տարած հաղթանակը Բրազիլիա մեկնելու հույսեր է առաջացրել։ Հայերի հարձակման գծի առաջատար Յուրա Մովսիսսյանը երեք գոլ է խփել եւ Դորտմունդի «Բորուսիայի» կիսապաշտպան Հենրիխ Մխիթարյանի հետ կփորձի լուծել այդ խնիդրը։
Իտալիայի հավաքականը հաղթել է 6 խաղում եւ երեքը ավարտվել ոչ ոքի։ Մարիո Բալոտելին ապաքինվում է վնասվածքից, իսկ «Սաութհեմփթոնի» հարձակվող Պաբլո Օսվալդոն դեմ չի լինի կրկին իտալացիների մեկնարկային կազմում լինելուն։ Իտալացիները կփորձեն երկրորդ հաղթանակը տանել Հայաստանի նկատմամբ 2012-ի հոկտեմբերին Երեւանում կայացած խաղից հետո»,- գրում է Goal.com-ը։
Հիշեցնենք, որ Իտալիա - Հայաստան խաղը տեղի կունենա հոկտեմբերի 15-ին, Երեւանի ժամանակով 22։45-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.