Սեբաստիան Ֆետելը՝ Ճապոնիայի Մեծ մրցանակի հաղթող
14:02 13 հոկտեմբերի, 2013Ֆորմուլա-1-ի ընթացիկ մրցաշրջանի առաջատար Սեբաստիան Ֆետելի հաղթանակով ավարտվեց «Սուզուկի» ավտոարշավարանում կայացած Ճապոնիայի Մեծ մրցանակի խաղարկությունը: «Ռեդ Բուլի» գերմանացի մրցարշավորդը հետ թողեց «Լոտուսի» ներկայացուցիչ Ռոմեն Գրոժանին եւ «Ռեդ Բուլի» երկրորդ ավտոարշավորդ Մարկ Վեբերին:
Մրցաշրջանի ավարտից չորս Գրան պրի առաջ Ֆետելն ունի 297 միավոր եւ գերազանցում է երկրորդ տեղում գտնվող Ֆերնանդո Ալոնսոյին 90 միավոր: «Ֆերարիի» ավտոարշավորդը Ճապոնիայում չորրորդն էր: Հաջորդ փուլում՝ Հնդկաստանի Գրան պրիում (հոկտեմբերի 25-27) աշխարհի եռակի չեմպիոն Ֆետելը 10 միավոր վաստակելու դեպքում չորրորդ տարին անընդմեջ կհռչակվի չեմպիոն:
Նախագծողների գավաթի խաղարկությունում «Ռեդ Բուլը» 445 միավորով անվիճելի առաջատար է: Երկրորդ տեղում ընթացող «Ֆերարին» ունի 297 միավոր, «Մերսեդեսը» 287 միավորով երրորդն է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.