Թուրքերը հույս ունեն, որ Հայաստանը կհաղթի Բուլղարիային
17:21 11 հոկտեմբերի, 2013Եթե Հայաստանի հավաքականը կարողանա հոկտեմբերի 11-ին Երեւանում առավելության հասնել Բուլղարիայի նկատմամբ, ապա Թուրքիայի հավաքականը կպահպանի երկրորդ տեղից անցումային հանդիպումների իրավունք նվաճելու հնարավորություն, հույս ունի թուրքական մամուլը:
Եվրոպական գոտու ընտրական ինը խմբերից անցումային հանդիպումների իրավունք կնվաճեն երկրորդ տեղը գրաված լավագույն արդյունք ունեցող ութ թիմեր եւ կվիճարկեն աշխարհի առաջնության եզրափակիչ մրցաշարի վերջին չորս ուղեգրերը:
D խմբում Թուրքիայի հավաքականը 8 խաղից հետո 13 միավորով երրորդ տեղում է: Երկրորդ տեղում 14 միավոր վաստակած Հունգարիան է: Իսկ ուղեգիրն ապահովել է Հոլանդիան՝ 22 միավոր: Թուրքերը վերջին երկու հանդիպումներում կմրցեն Էստոնիայի եւ Հոլանդիայի հավաքականների հետ:
Բուլղարիան Հայաստանի հետ հանդիպումից առաջ ունի 13 միավոր, իսկ վերջին տուրում ընդունելու է չեխերին: Խճճված մրցաշարային դասավորությունում բուլղարացիներին անհրաժեշտ է երկու հաղթանակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.