Sportal.bg. Հայաստանին հաղթելը հավասարազոր կլինի թռիչքի
10:21 11 հոկտեմբերի, 2013Վերջին 10 տարիների ընթացքում Բուլղարիայի հավաքականի ելույթներն աշխարհի առաջնության ընտրական փուլում մեծ էմոցիաներ չեն առաջացրել, սակայն այժմ ամեն ինչ փոխվել է, գրում է Sportal.bg կայքը՝ անդրադառնալով 2014թ. աշխարհի առաջնության ընտրական փուլի Հայաստան - Բուլղարիա հանդիպմանը։
«Վերջին 10 տարիների ընթացքում առաջին անգամ եզրափակիչ փուլ դուրս գալու հնարավորություն ունենք։ Փլեյ-օֆֆի ուղեգիր նվաճելու հնարավորություններն ավելի քան իրատեսական են։ Պենեւի գլխավորությամբ հավաքականի ցուցադրած արդյունքները մեծ հույս են ներշնչում, սակայն այսօր հայտնի կդառնա, թե թիմն իսկապես հասունացել է՝ հաղթելու ավելի ցածրակարգ թիմերի, ինչպիսին է, անկասկած, Հայաստանի հավաքականը։
Ուղեգիր նվաճելու համար լավ հնարավորություն ունի Դանիայի հավաքականը, որը Երեւանում հաղթել էր հայերին։ Մեր հանդիպումներն ավելի բարդ են՝ հաշվի առնելով, Չեխիայի հետ առաջիկա հանդիպումը։ Հաղթել այսօր, իսկ հետո նաեւ չեխերին, եւ մեր հնարավորությունները չափազանց կմեծանան։ Սակայն, պետք չէ հաշվարկներ կատարել։ Հարկավոր է աջակցել հավաքականին, որ այն փոքրիկ քայլ կատարի՝ դեպի աշխարհի առաջնություն։ Իսկ այդ փոքրիկ քայլը որակավորման վերջին խաղերում հավասարազոր կլինի թռիչքի»,- գրում է բուլղարական կայքը։
Հայաստան - Բուլղարիա խաղը կկայանա հոկտեմբերի 11-ին: Նախավերջին տուրից առաջ երկրորդ տեղում գտնվող բուլղարացիները հավաքել են 13 միավոր, իսկ Հայաստանի հավաքականը՝ 9:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.