Վարդան Մինասյան. Խմբից դուրս գալու մեր հնարավորությունները փոքր են, բայց կան
12:11 10 հոկտեմբերի, 2013«Սոֆիայում մենք սադրանքների զոհ դարձանք, սակայն, իհարկե, ինչ-որ տեղ կար նաեւ կարգապահության խնդիր: Վաղվա խաղում կենտրոնանալու ենք հաշվի վրա»։
Այդ մասին ֆուտբոլի 2014թ. աշխարհի առաջնության ընտրական փուլի Հայաստան – Բուլղարիա նախախաղային մամուլի ասուլիսին ասաց Հայաստանի ազգային հավաքականի գլխավոր մարզիչ Վարդան Մինասյանը:
«Հրավիրել էինք 20 ֆուտբոլիստի: Մասիս Ոսկանյանի մասնակցությունը հարցականի տակ է: Մյուսները պատրաստ են խաղին: Կառլեն Մկրտչյանը վերջին խաղերում իր թիմում չի խաղում, բայց նրա ֆունկցիոնալ վիճակը բավարար է:
Երկրպագուների «ջերմ» վերաբերմունքի մասին չեմ կարող ասել: Ես մտածում եմ վաղվա խաղի մասին:
Հետեւում ենք Էդգար Մանուչարյանի խաղին: Նա չի ցուցադրում իր պոտենցիալը: Էդգարը կարող է ավելի լավ խաղալ: Հավաքականի առաջին մարզումների ժամանակ Բերեզովսկին լավագույն մարզավիճակում չէր, սակայն երեկվա մարզումը ցույց տվեց, որ Ռոմանը հարյուր տոկոսով պատրաստ է խաղին։
Խմբից դուրս գալու մեր հնարավորությունները փոքր են, բայց կան: Բացի այդ, մենք ունենք վարկանիշային խնդիրներ: Պետք է ձգտենք հայտնվել երրորդ զամբյուղում: Բուլղարացիները շատ ագրեսիվ են խաղում: Դրա շնորհիվ բուլղարացիներն այս պահին խմբի երկրորդ տեղում են:
Սոֆիայում մենք սադրանքների զոհ դարձանք, սակայն, իհարկե, ինչ-որ տեղ կար նաեւ կարգապահության խնդիր: Վաղվա խաղում մենք կենտրոնանալու ենք հաշվի վրա»,- ասել է Մինասյանը։
Վերա Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.