Պրանդելին ֆավորիտ չի համարում իտալացիներին
16:22 9 հոկտեմբերի, 2013Ֆուտբոլի Իտալիայի հավաքականի գլխավոր մարզիչ Չեզարե Պրանդելին խոսել է Բրազիլայում կայանալիք ֆուտբոլի աշխարհի 2014թ. առաջնության եզրափակիչ մրցաշարում իր թիմի հնարավորությունների մասին:
«Ինձ շատ լավ հայտնի են Իտալիայի հավաքականի հնարավորությունները: Մեր գլխավոր առավելությունը թիմային խաղն է: Մենք չունենք այնքան աստղային ֆուտբոլիստներ, ինչքան ունեն Իսպանիայի եւ Բրազիլիայի հավաքականները: Սակայն մենք ունենք այլ առավելություններ: Աշխարհի առաջնությունում մեր առջեւ դրված խնդիրների մասին խոսելու համար դեռ վաղ է: Ուրախ կլինեի ասել, որ Իտալիայի հավաքականը մրցաշարի ֆավորիտների թվում է, սակայն դա այդպես չէ»,- Պրանդելիի խոսքը մեջբերում է ՖԻՖԱ-ի կայքը:
Հիշեցնենք, որ 8-րդ տուրից հետո ընտրական B խմբում առաջին տեղն ապահոված Իտալիայի թիմն ունի 20 միավոր, բուլղարացիները՝ 13, դանիացիները՝ 12, Չեխիայի եւ Հայաստանի հավաքականները՝ 9-ական, իսկ Մալթան՝ 3։ Հեկտեմբերի 11-ին իտալացիները Կոպենհագենում կմրցեն դանիացիների հետ, իսկ 4 օր անց Նեապոլում կընդունեն Հայաստանի հավաքականին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.