Sky Sports. Չիսորան ու Հեյը Բրիտանիայի խայտառակությունն են
11:27 20 փետրվարի, 2012Բրիտանացի գերծանրքաշային բռնցքամարտիկներ Դերեկ Չիսորան ու Դեւիդ Հեյը Բրիտանիայի խայտառակությունն են, գրում է Sky Sports-ի փորձագետ Գլեն Մակրոյը։
Չիսորան ու Հեյը նման գնահատականի են արժանացել Վիտալի Կլիչկո - Դերեկ Չիսորա մենամարտից հետո մեծ սկանդալ սարքելու արդյունքում։
Հիշեցնենք, որ այդ մենամարտից առաջ Չիսորան ապտակել էր Վիտալի Կլիչկոյին, բերանի ջուրը թքել էր Վիտալիի եղբոր՝ Վլադիմիր Կլիչկոյի դեմքին, իսկ մրցամարտի վերջում անցկացված մամուլի ասուլիսի ժամանակ ծեծկռտուք էր սարքել Դեւիդ Հեյի հետ։
«Ես հիասթափված եմ։ Այս ամենը նվաստացուցիչ էր բրիտանական բռնցքամարտի ու ամբողջ սպորտի համար։ Իմ կարծիքով Չիսորան պետք է զրկվի բռնցքամարտիկի արտոնագրից։ Նա իրեն փողոցային ավազակի պես պահեց։ Չիսորան այն ամենի մարմնավորում է, ինչը չպետք է չլինի սպորտում»,- Չիսորային քննադատում է Մակրոյը։
Քննադատական խոսքերի է արժանացել նաեւ գերծանրքաշային կարգի աշխարհի նախկին չեմպիոն Դեւիդ Հեյը։ «Ընդհանրապես ինչ գործ ուներ այնտեղ Հեյը։ Ես կարծում էի, որ նա ավարտել է կարիերան ու մեկնել Հոլիվուդ։ Շատ կցանկանայի, որ հենց այդպես լիներ։ Սա ուղղակի խայտառակություն է։ Նրանք սարսափելի օրինակ ծառայեցին դեռահասների համար։ Բրիտանացի գերծանրքաշայինների նման պահվածն ուղղակի ահավոր էր»,- գրում է Մակրոյը։
«Դա ուղղակի սեւ օր էր բրիտանական բռնցքամարտի համար»,- ավարտում է հեղինակը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.