Շավարշ Կարապետյան. Օլիմպիական կրակը չի կեղծվել
21:32 7 հոկտեմբերի, 2013Մարած ջահի պատմության վերջաբանը չի լուսաբանվում, օլիմպիական կրակը չի կեղծվել, այն դարձյալ վառել են Հունաստանից բերած սրբազան կրակից, հայտարարել է ստորջրյա լողի աշխարհի 17-ակի չեմպիոն, 11-ակի ռեկորդակիր Շավարշ Կարապետյանը, որը սկանդալային փորձից հետո մեկ անգամ եւս կմասնակցի Սոչիի ձմեռային Օլիմպիական խաղերի ջահակիրների փոխանցումավազքին: Սեպտեմբերի 8-ին Մոսկվայում Շավարշ Կարապետյանին կվստահվի եւս մեկ փուլ, հաղորդում է Gazeta.ru-ն:
«Ամբողջ փոխանցումավազքի երթուղու երկայնքով կանգնած են տղաներ, որոնք ունենք իսկական օլիմպիական կրակի լապտերիկներ: Կրակայրիչով ջահը վառելու կադրերը տարածվել են, սակայն չկա դրա վերջը, երբ իմ ջահը մարեցին եւ դարձյալ վառեցին իսկական օլիմպիական կրակից: Մեծ ավանդույթը չի խախտվել, օլիմպիական կրակը չի կեղծվել: Երբեք ուշադրություն չեմ դարձրել սնահավատություններին: Դա անբանների եւ թույլ մարդկանց գործն է: Եթե քամին հնագցրել է կրակը, դա դեռ առիթ չէ խորհրդավոր հետեւություններ անելու համար: Ես Մոսկվայում կմասնակցեմ փոխանցումավազքի եւս մեկ փուլի եւ վստահ եմ, որ ջահի հետ ոչինչ տեղի չի ունենա»,- ասել է Շավարշ Կարապետյանը:
Նշենք, որ լեգենդար մարզիկն արդեն 20 տարի ապրում է Մոսկվայում: Մարզական նվաճումներից բացի Շավարշ Կարապետյանը հայտնի է նաեւ իր հերոսություններով: 1976թ. սեպտեմբերին Երեւանյան լիճն ընկած տրոլեյբուսից Շավարշ Կարապետյանի օգնությամբ փրկվեց 20 մարդու կյանք: Ողբերգության պահին Շավարշ Կարապետյանն առավոտյան մարզանքի էր Երեւանյան լճի մոտ եւ անմիջապես նետվել էր ջուրը: 10 մետր խորությամբ ջրի տակ տրոլեյբուսի ապակին կոտրելուց նա վնասել էր ոտքերը, իսկ սառը ջրում մրսել էր: Նա ստացել էր արյան վարակում եւ երկկողմանի թոքաբորբ: Այդ ողբերգությունից եւ ծանր հիվանդությունից հետո նա կարողացավ ուժ գտնել, վերադառնալ սպորտ եւ 1977-ին սահմանել աշխարհի եւս մեկ ռեկորդ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.