Օլիմպիական խաղերի ջահը հանգչել է Շավարշ Կարապետյանի ձեռքում
10:10 7 հոկտեմբերի, 2013Հոկտեմբերի 6-ին Ռուսաստանում մեկնարկել է 2014թ. Սոչիի ձմեռային Օլիմպիական խաղերի փոխանցումավազքը, որը կտեւի 123 օր: Հատկանշանական է, որ ջահը հանգչել է ստորջրյա լողի 17-ակի աշխարհի չեմպիոն Շավարշ Կարապետյանի ձեռքերում, հաղորդում է Forbes.ru-ն։
Բլոգերները համացանցում լայնածավալ քննարկումներ են սկսել կատարվածի վերաբերյալ։
«Կրակը հանգչել է, քանի որ ջահի փականը կիսափակ էր։ Աշխատակիցն ամբողջովին չէր բացել այն»,- Twitter-ի իր էջում գրել է կազմակերպիչ կոմիտեի նախագահ Դմիտրի Չերնիշեւնկոն։
Հիշեցնենք, որ 65 հազար կմ երկարությամբ փոխանցումավազքը կանցկացվի Ռուսաստանի 130 քաղաքներով: Փոխանցումավազքին կմասնակցեն 14 հազար ջահակիրներ եւ մոտ 30 հազար կամավորներ:
Փոխանցումավազքը կավարտվի 2014թ. փետրվարի 7-ին Սոչիի «Ֆիշտ» ստադիոնում, որտեղ կկայանա 22-րդ ձմեռային Օլիմպիական խաղերի բացման արարողությունը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.