Հայաստանի բողոքը մերժվել է

Սիրողական բռնցքամարտի եվրոպական կոնֆեդերացիայի մրցավարական հանձնաժողովը մերժել Է Հայաստանի պատվիրակության պաշտոնական բողոքը Թուրքիայի Տրապիզոնում 2012 թվականի օլիմպիական վարկանիշային մրցաշարի քառորդ եզրափակիչում Հայաստանի բռնցքամարտիկ, 60 կգ քաշային Վլադիմիր Սարուխանյանի եւ շոտլանդացի Ջոշ Թեյլորի մրցամարտի արդյունքի վերաբերյալ:

Այս մասին  տեղեկացնում է Հայաստանի բռնցքամարտի ֆեդերացիան:

Այդ մրցամարտում 17:9 հաշվով հաղթանակը շնորհվել էր Թեյլորին, որը Հայաստանի ներկայացուցիչների կարծիքով կողմնակալ եւ անարդար որոշում Էր:

Այսպիսով, Լոնդոնի Օլիմպիական խաղերում  Հայաստանի բռնցքամարտիկներից հանդես կգա միայն 75 կգ քաշային Անդրանիկ Հակոբյանը, որի  մարզիչը Պավլիկ Կարսլյանն է: