Նիկիտա Սիմոնյան. Ինչո՞ւ են «Արարատի» պատվին հուշարձան տեղադրել Ագարակում, այլ ոչ Երեւանում
00:10 7 հոկտեմբերի, 2013«Արարատի» հաղթանակի օրը հոկտեմբերի 10-ն է, իսկ նախօրոք նշել չի կարելի:
Այս մասին NEWS.am Sport-ի թղթակցի հետ զրույցում ասաց Ռուսաստանի ֆուտբոլային միության (ՌՖՄ) փոխնախագահ, Մոսկվայի «Սպարտակի» նախկին հարձակվող Նիկիտա Սիմոնյանը, ով խոսեց հոկտեմբերի 5-ին Երեւանում մեկնարկած միջոցառումների եւ Արագածոտնի մարզի Ագարակ գյուղում տեղադրված հուշարձանի մասին:
Պարոն Սիմոնյան, Երեւանում արդեն սկսվել են «Արարատի» պատմական հաղթանակի 40-ամյակին նվիրված միջոցառումները: Իսկ Դուք ե՞րբ եք ժամանելու Երեւան:
«Արարատի» հաղթանակի օրը հոկտեմբերի 10-ն է, իսկ նախօրոք նշել չի կարելի: Ես ձեզ հետո կհարցնեմ, թե ինչու են «Արարատի» պատվին հուշարձան կանգնեցրել Ագարակում, այլ ոչ Երեւանում: Ես Երեւան կժամանեմ ամսի 9-ին եւ կհեռանամ 11-ին:
Հայաստան – Բուլղարիա հանդիպմանը ներկա կգտնվե՞ք:
Ոչ, ես կմեկնեմ ցերեկը:
Հաջորդ օրն էլ Ձեր 87-ամյակն է: Չե՞ք ցանկանում այս անգամ ծննդյան տարեդարձը նշել Հայաստանում:
Այդ ժամանակ արդեն Մոսկվայում կլինեմ: Հեռախոսներս անջատված են լինելու: Ոչ մի շնորհավորանք չեմ ընդունի: Այդ օրն ինձ այնքան շատ մարդ է զանգահարում, որ 200 անգամ շնորհակալություն հայտնելը դժվար է:
Վերա Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.