ՈւԵՖԱ-ի կարգապահական կոմիտեն որոշել է Դորտմունդի «Բորուսիայի» գլխավոր մարզիչ Յուրգեն Կլոպի որակազրկումն ավելացնել եւս մեկ խաղով, հաղորդում է գերմանական ակումբի պաշտոնական կայքը։
46-ամյա գերմանացի մասնագետը չի կարողանա գլխավորել թիմը Չեմպիոնների լիգայի խմբային փուլի երրորդ տուրի՝ Լոնդոնի «Արսենալի» հետ խաղի ժամանակ, որը տեղի կունենա հոկտեմբերի 22-ին Լոնդոնում։ Առաջիկայում գերմանական ակումբը կորոշի բողոքարկել ՈւԵՖԱ-ի որոշումը, թե ոչ։
Հիշեցնենք, որ Չեմպիոնների լիգայի խմբային փուլի՝ իտալական «Նապոլիի» հետ հանդիպման ժամանակ Գոնսալո Իգուաինի խփած գոլից հետո գերմանացի մասնագետը ագրեսիվ վարք դրսեւորեց խաղի չորրորդ մրցավարի նկատմամբ՝ ստանալով կարմիր քարտ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։