Երեւանում 8-րդ անգամ անցկացվել է Պարալիմպիկ սպարտակիադա
16:12 2 հոկտեմբերի, 2013Երեւանի մանկական զբոսայգում տեղի է ունեցել Պարալիմպիկ սպարտակիադայի ամփոփիչ միջոցառումը։ Երեւանի քաղաքապետարանը եւ Հայաստանի հաշմանդամների «Փյունիկ» միությունն արդեն ավանդական դարձած մարզական միջոցառումն իրականացրել են Պարալիմպիկ կոմիտեի հետ համատեղ։ Մրցումներն անցկացվում են շախմատ, բասկետբոլ, սեղանի թենիս, բազկամարտ մարզաձեւերից։
Երեւանի քաղաքապետարանի սպորտի եւ երիտասարդության հարցերի բաժնի պետ Յուրի Մամիկոնյանի խոսքով՝ Պարալիմպիկ սպարտակիադան քաղաքապետարանի ծրագրային միջոցառումներից է, որի նպատակը սպորտի միջոցով եւս հաշմանդամների՝ հասարակությանն ինտեգրվելուն աջակցելն է: Հոկտեմբերին հաշմանդամների մասնակցությամբ եւս մեկ մարզական միջոցառում է նախատեսված։
Միջոցառման ավարտին մասնակիցները պարգեւատրվել են հուշամեդալներով եւ դիպլոմներով, հայտնում են Երեւանի քաղաքապետարանի տեղեկատվության եւ հասարակայնության հետ կապերի վարչությունից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.