Յուրա Մովսիսյանը՝ Ռուսաստանի առաջնության լավագույն ֆուտբոլիստների տասնյակում
14:11 2 հոկտեմբերի, 2013«Спорт экспресс» կայքը կազմել է Ռուսաստանի առաջնության մեկնարկային 11 տուրերի լավագույն ֆուտբոլիստների տասնյակը՝ հաշվի առնելով խաղացողների միջին գնահատականը։
Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանն ունի 6.15 միավոր եւ զբաղեցնում է 8-րդ տեղը։ Ամենաբարձր միջին գնահատականն ունի Մոսկվայի «Դինամոյի» ուկրաինացի հարձակվող Անդրեյ Վորոնինը։ Լավագույն հարձակվողների ցուցակում Մովսիսյանը զբաղեցնում է երրորդ տեղը՝ զիջելով միայն «Դինամոյի» եւ «Ռուբինի» հարձակվողներ Անդրեյ Վորոնինին եւ Սալոմոն Ռոնդոնին։
Հայաստանի հավաքականի կիսապաշտպան Արաս Օզբիլիսն ունի 6.05 միավոր եւ լավագույն աջ կիսապաշտպանի համար պայքարում զիջում է միայն «Զենիթի» եւ Ռուսաստանի հավաքականի կիսապաշտպան Վլադիմիր Բիստրովին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.