WTA. Փոփոխություններ՝ լավագույն տասնյակում

Թենիսի կանանց ասոցիացիան (WTA) սեպտեմբերի 30-ին հրապարակել է վարկանիշային աղյուսակը, որը շարունակում է գլխավորել Սերենա Ուիլյամսը։ Ամերիկուհին կարիերայում երրորդ անգամ տարին կավարտի աղյուսակի առաջին տեղում։

Երկրորդ տեղում է բելառուս Վիկտորյա Ազարենկան, երրորդում՝ ռուս Մարիա Շարապովան, չորրորդում՝ լեհ Ագնեշկա Ռադվանսկան, հինգերորդում՝ չինացի Լի Նան։ Ֆրանսիացի Մարիոն Բարտոլին 7-րդ տեղից հայտնվել է 10-րդում, իսկ չեխ Պետրա Կվիտովան 11-րդ տեղից՝ 7-րդում։

Հիշեցնենք, որ Ստամբուլի մրցաշարը կմեկնարկի հոկտեմբերի 21-ին։

WTA

1 (1). Սերենա Ուիլյամս (ԱՄՆ)՝ 12 260 միավոր

2 (2). Վիկտորյա Ազարենկա (Բելառուս)՝ 9 460

3 (3). Մարիա Շարապովա (Ռուսաստան)՝ 7 641

4 (4). Ագնեշկա Ռադվանսկա (Լեհաստան)՝ 5 995

5 (5). Լի Նա (Չինաստան)՝ 5 565

6 (6). Սառա Էրանի (Իտալիա)՝ 4 300

7 (11). Պետրա Կվիտովա (Չեխիա)՝ 3945

8 (8). Կարոլին Վոզնյացկի (Դանիա)՝ 3 735

9 (9). Անժելիկա Կերբեր (Գերմանիա)`3 645

10 (7). Մարիոն Բարտոլի (Ֆրանսիա)՝ 3 746