ՄԱՖ-ը նոր համաձայնագիր է կնքել
20:51 27 սեպտեմբերի, 2013Միջազգային ավտոմոբիլային ֆեդերացիան (ՄԱՖ) վերջապես հայտարարել է, որ կարողացել է նոր համաձայնագիր կնքել Ֆորմուլա-1-ի ղեկավարության հետ: Ֆեդերացիայի ղեկավարները նշել են, որ ըստ նոր համաձայնագրի՝ իրենք կունենան ֆինանսապես ավելի լավ պայմաններ, հաղորդում է Autosport-ը:
«ՄԱՖ-ը մշտապես ցանկություն ուներ շարունակելու երկարամյա համագործակցությունը: Այնպես որ այս պատմական պահը մեզ համար կարեւոր նշանակություն ունի»,- համաձայնագրի ստորագրումից հետո ասել է ՄԱՖ-ի նախագահ Ժան Տոդը:
Նոր համաձայնագիրը նախատեսված է 7 տարվա համար. գործելու է 2013-2020 մրցաշրջանների ընթացքում: Ըստ նոր համաձայնագրի՝ ՄԱՖ-ը ոչ միայն ավելի շատ գումար կստանա, այլեւ կկարողանա որոշակիորեն մտնել Ֆորմուլա-1-ի ղեկավար շրջանակ՝ վճռորոշ խոսքի իրավունք ստանալով ռազմավարական ծրագրի ձեւավորման եւ նորամուծությունների կիրառման հարցում:
Առաջին անգամ ՄԱՖ-ի եւ Ֆորմուլա-1-ի միջեւ համաձայնագիր կնքվել է 1981-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։