ՄԿ-ի ղեկավարը հաստատել է «Էլչե» - «Ռեալ» հանդիպման մրցավարի սխալը

Չեմ կարծում, որ նա ճիշտ որոշում է կայացրել։ Երբեմն մրցավարները ճիշտ որոշումներ են կայացնում, երբեմն՝ ոչ, հայտարարել է Իսպանիայի առաջնության մրցավարական կոմիտեի (ՄԿ) ղեկավար Սանչես Արմինիոն՝ խոսելով Իսպանիայի առաջնության 6-րդ տուրի «Էլչե» - «Ռեալ» հանդիպման մրցավարի կայացրած որոշման մասին։

«Ավելի լավ է այդ մասին հարցնել մրցավարին։ Չգիտեմ, թե ինչպես էր նա իրեն զգում հանդիպման ժամանակ։ Հնարավոր է, որ նա ընտանեկան խնդիրներ ունի, եւ չի կարողացել ճիշտ տրամադրվել հանդիպմանը»,- Արմինիոյի խոսքը մեջբերում է ABC-ն։

Հիշեցնենք, որ Արքայական ակումբը հաղթել էր 2։1 հաշվով։ Հանդիպման գլխավոր մրցավար Մունիզ Ֆերնանդեսը խաղի ավելացված 4-րդ րոպեին կասկածելի 11 մետրանոց է նշանակել, որն անվրեպ իրացրել է «Ռեալի» պորտուգալացի հարձակվող Կրիշտիանու Ռոնալդուն՝ իր թիմին հաղթանակ պարգեւելով։