Բոլթ. Օգնել եմ Ռոնալդուին, կօգնեմ եւ Բեյլին

Հարգում եմ «Ռեալին»։ Եթե ակումբին եւ Բեյլին անհրաժեշտ լինի իմ օգնությունն, ապա պատրաստ եմ ժամանել Մադրիդ եւ անհատական մարզումներ անցկացնել Գարեթի հետ, հայտարարել է Օլիմպիական խաղերի 6-ակի չեմպիոն, 100 եւ 200 մետր վազքի աշխարհի ռեկորդակիր Ուսեյն Բոլթը՝ խոսելով Մադրիդի «Ռեալի» եւ Ուելսի հավաքականի կիսապաշտպան Գարեթ Բեյլի մասին։

«Գիտեմ, թե ինչպես կարելի է օգնել Բեյլին ավելի արագ դառնալ։ Լսել եմ, որ նա կարողանում է նույնքան արագ վազել, որքան ես։ Շատ կարեւոր է վազքի տեխնիկան։ Արդեն օգնել եմ Կրիշտիանու Ռոնալդուին ճիշտ արագացումներ կատարել։ Դուք կարող եք տեսնել արդյունքը»,- Բոլթի խոսքը մեջբերում է Marca-ն։

Իսպանիայի առաջնության «Վիլյառեալի» հետ հանդիպման ժամանակ Բեյլը զարգացրել է 40 կմ/ժ արագություն, այն դեպքում, երբ աշխարհի ամենաարագ մարդը՝ ջամայկացին, վազում է 43 կմ/ժ-ից քիչ ավելի արագությամբ։