Բահրեյնում ռմբակոծման տակ է ընկել «Ֆորս Ինդիան»

Ֆորմուլա-1-ի «Ֆորս Ինդիա» թիմի ավտոմեխանիկները Բահրեյնում ընկել են ռումբի պայթյունի տակ։

Ապրիլի 20-ին Մանամայում պետք է մեկնարկի Բահրեյնի Մեծ մրցանակը։

Բահրեյնի մայրաքաղաքում ընթացքի ժամանակ թիմի միկրոավտոբուսի մոտ ռումբ է պայթել։ Ոչ ոք չի տուժել։ Թիմի անդամներից մեկը որոշել է լքել Բահրեյնը։

«Մեր միկրոավտոբուսը հարձակման նպատակը չէր, սակայն մենք հայտնվեցինք բախման էպիկենտրոնում, երբ ընթանում էինք մայրուղիով»,- «Ֆորս Ինդիայի» ներկայացուցիչներից մեկի խոսքը մեջբերում է Daily Mail-ը։

Բահրեյնի Մեծ մրցանակը պետք է տեղի ունենա Սահիրի ավտոարշավարանում ապրիլի 22-ին։
Ավելի վաղ մտավախություն կար, որ ընդդիմության հակակառավարական ելույթների պատճառով Ֆորմուլա-1-ի հերթական փուլը տեղի չի ունենա։