Արթուր Աբրահամ. Շտիգլիցի հետ կստացվի սուպերմենամարտ
16:44 19 ապրիլի, 2012Ես վստահ եմ, որ Շտիգլիցի հետ կստացվի սուպերմենամարտ։ Այդ մասին հայտարարել է երկրորդ միջին քաշային կարգում WBO վարկածով Եվրոպայի չեմպիոն Արթուր Աբրահամը (34-3, 27 նոկաուտ), երբ հայտնի է դարձել, որ աշխարհի չեմպիոն Ռոբերտ Շտիգլիցի մրցակից Ջորջ Գրուվզը վնասվածքի պատճառով հրաժարվել է մայիսի 5-ի մենամարտից, եւ WBO-ն աշխարհի չեմպիոնի պարտադիր հավակնորդ է նշանակել իրեն։
«Ես վստահ եմ, որ Շտիգլիցը կհաղթեր Գրուվզին։ Շտիգլիցը ֆիզիկապես շատ ավելի ուժեղ է բրիտանացուց։ Ես ցանկանում են մենամարտել Շտիգլիցի հետ։ Երկուսս էլ ապրում ենք Գերմանիայում։ Երկրպագուների եւ հեռուստատեսության համար դա կլինի սուպերազդագիր։
Ես վստահ եմ, որ Շտիգլիցի հետ կստացվի սուպերմենամարտ։ Դա այն է, ինչ ինձ պետք է», - Աբրահամի խոսքը մեջբերում է Boxingscene-ը։
30-ամյա Ռոբերտ Շտիգլիցը (41-2, 23 նոկաուտ) աշխարհի չեմպիոնի տիտղոսը պետք է պաշտպաներ մայիսի 5-ին Գերմանիայում բրիտանացի Ջորջ Գրուվզի (14-0, 11 նոկաուտ) հետ մենամարտում։ Սակայն Գրուվզը ապրիլի 17-ին մարզման ժամանակ քթի վնասվածք է ստացել եւ հրաժարվել է մենամարտից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.